الاغا من ذكريات بلدي

من ذكريات بلدي

السلام عليكم ورحمة الله وبركاته

القصة اليوم عن شخص حكم مدينة الرحيبة حوالي عشرين سنة
اكيد الاغلب سمعانين فيه واكيد البعض الاخر ما الهم علاقة بمن حكم من
قصة اليوم بتدور عن

فارس مسقلة أو الآغا مسقلة

في عام 1725ميلادي اتى الى مدينة الرحيبة عائلة بدوية مؤلفة من اب وام وولد اثر هروب او ثأر كانت اسباب اللجوء مخفية الولد اسمو فارس
ابو فارس وقت اجى على البلد كان مكنز متل ما بقولو يعني بايع كل الطرش يللي عنده وجاية على الرحيبة منشان يستقر فيها
وبالفعل اهل الرحيبة مشهورين بكرم الضيافة ومدادين السفر
المهم الجماعة قاموا بالواجب وزيادة وشوي شوي بدوا هالجماعة ياوالوفوا على جو البلد والولد فارس صار يروح مع الولاد على الكتاب و كان شيخ الكتاب بهذك الوقت الشيخ [طعان طعان عمار ]بجامع الحجر او الجامع الكبير [واكيد هي المعلومات قلال يلي بيعرفوها منا مزبوط]

واهل الصبي اشتروا ارض بالطرافة وصاروا يزرعو ويحصدو متلهن متل اهل البلد ومتل ما بقول المثل من عاشر القوم اربعين يوم صار منهن وفيهن
كبير الصبي وصار علمه يكبر معه
وصار سريع التنقل مابين المدينة والريف وفارس كان من الاذكياء جدا بهذك الوقت ومن خلال علمه يلي تعلمه توظف بالسرايا في دمشق وصار يستقطب حوله اصحاب المراكز العالية بالسرايا حتى وصل صيط فارس مسقلة لوالي الشام ومن خلال الاجتماعات يلي تمت بين فارس مسقلة والوالي عينه الوالي آغا على المنطقة فصار هو الآغا تبع الرحيبة وجيرود واطراف البادية حتى ابو الشامات والبير والصرة واستلم مقاليد الحكم بعام 1749 وكان عمره تقريبا 35سنة باول فترة صار مسقلة يدرب مجموعة من الشباب من اجل صد الغارات التي كانت تأتي من البدو على اهل البلد
وشوي شوي صارت تخف الغارات على البلدبس كان مسقلة كل ما يمسك بدوي يطق راسه بطريقة بشعة كثير
كان دائما يحمل بصلة بإيدو ووقت يشوف واحد غريب بالبلد يسأله شو هاي فإذا كان بدوي يقول بصلة وما يلحق يخلص الكلمة ويكون الاغا قاطع راس البدوي واذا مو بدوي يكمل طريقه وبقولوا وفي شواهد كثير على هالكلام منه بعض بيوت الشعر يلي قالوها البدو في مسقلة

قالوا :

ياراكب الخيل ارض الرحيبة لاتطاها

فيها مسقلة رابط حماها

حيث وصل عدد الرؤس التي قطعها مسقلة اكثر من 700 رأس

انو مسقلة كان الو محاسن كثير ومساوء وكان زير نساء نسونجي يعني
المهم كان حول مسقلة العسس وكانو الخدم وكانو الجباة أما العسس فهم الحرس الشخصي وكان منهم فارس العسلي الكبير واخواته اربعة والخدم معروفين من هم ومازالو بالبلد حتى الان ومتل الزلم والناس بتضربلهن سلام كل ما مر واحد منهم بالشارع اخ000000000000000 دنيا المهم ما علينا الله يسترعلى امة محمد والجباة كانو هم من يجمعون الضرائب ولاتاوات من الشعب وهم من جيرود من بيت طالب الله يرحم الجميع برحمته قولوا امين

وبهي الفترة بتجي عيلة من قرية حلا منشان تلجىء للرحيبة وبيدخلو على فارس العسلي والعسلي بقلهم خلصت وصلتو وبما انو العسلي من العسس ما حدا بيسجري يسألوا مجرد سؤال وكان مع ها لعيلة بنت اسمها شمس بتجنن شديدة الجمال متل ما بيقولوا فلقة قمر وبما انو فارس مسقلة مو متزوج بشوف البنت وبتعجبو وبصير بدو يفتعل فيها بس العسلي ما بيرضى يكود على البنت وبيتقاتل هو ومسقلة المهم الاغا بكثير بقليل بصير بدو البنت بالاخر بجتمع مع فارس العسلي وبيطلبها بالحلال وبالفعل بيتجوز مسقلة شمس وبعدها ما بيقرب على مرة واشتهر مسقلة بحبه لشمس وقال فيها بيوت شعر كثيرة وينجب منها صبي

بس قلب مسقلة ما بيشفى من فارس العسلي وبصير بدو يطيرو من الحاشية وبهاي الفترة بيكون ظلم الاغا زاد كثير والشعب بيبدا يضوج منه المهم مسقلة بيطلب فارس العسلي باليلة من الليالي وبيقتلو وبقطعو وبزتو ببير القناة عند الحديقة حاليا

اخوات فارس بيعرفو ثاني يوم انو مسقلة قتل اخوهم الكبير وبفور دم اهل البلد اثر مقتل العسلي فبيجتمعوا اهل البلد عند الشيخ طعان الله ير حمو وبقررو بعد صلاة الصبح يروحوا لعنده ويقتلو وهيك بقول الشرع وبكونوا صابوا عصفورين بحجر واحدة منه قصة الثار ومنه بيخلصو منه ومن ظلمه للشعب
بس يا خسارة دائما الدائرة ما بتكمل كان بين الموجودين في واحد داسوس للأغا اسمه طلال وعلو تعرفوا احفاد طلال من هم حاليا المهم

بيوصل الخبر للآغا فبيهرب الاغا من البلد متجها نحو جيرود وبيطلعو وراه الشباب اخوات العسلي وبين جيرود والرحيبة بتعلق اجر المهرة بين الصخر طبعا المهرة بنت الخيل يلي كانت مع مسقلة ومنشان ماحدى يركبها او يستفيد منها من بعده بيقطعلها اعصابها وتسمى المنطقة على اسم المهرة

المهم الخبر بيوصل للجواردة كمان انو اهل البلد لاحقين مسقلة بدهن يقتلو والجواردة بدهن يخلصو من مسقلة متل اهل البلد بغير مسقلة الوجهة وبتجه الى الناصرية ومن ثم الى حسياء في حمص وبحسياء بما انو اولاد عموم العسلي موجودين هناك بيحكمو مسقلة بحساء وبيقتلو وهيك بيكون خلص زمان مسقلة بالبلد وبكون ترك بصمة بالبلد
طبعا نسل ال مسقلة موجودين بالبلد حتى الان ومن اشراف الناس بلبلد

والمشكلة اني انا برات البلد ولوني موجود بالبلد كنت استشهدت ببعض بيوت الشعر التي جمعتها عن مسقلة وعن زوجته شمس وعن شجاعة مسقلة ويلي كانو حوله من الرجال

ترقبوا الاصدار الجديد من ذكريات بلدي التي تحتوي عدة قصص مشوقة
منها نساء من بلدي

اشهر من عرف بالشجاعة

قصة ثأر بين الرحابنة وال شمر
وعدة قصص اخرى
مع تحيات اخوكم ابو العتاهية او

مغترب مثقف

انشا الله القصة تكون عجبتكم يا شباب

السلام عليكم ورحمة الله وبركاته

شكرا على القصة
بس ياريت تخلي مسافة بين الاسطر لانها متداخلة ببعضها
في كم سيطر ما غدرت اقراهن لانهن فايتات ببعضهن

مشكور ياابوالعتاهيه القصه موثقه ولا اسطوره زاد عليها الناس اسمع احدالكبار بقول بيت شعر لبدوي لاجيت من العطنه تياسرعلى ضمير وارض رحيبه ياحمد لاتطاها فيها مسقله رابط على العين عمره ماقضب صيده ورخاها لك الشكرونرجو المزيد

مشكور على القصة وننتظر القصص الاخرى
وشكرا" لمداخلة علي شريدة:

لاجيت من العطنه تياسرعلى ضمير## وارض رحيبه ياحمد لاتطاها
فيها مسقله رابط على العين ## عمره ماقضب صيده ورخاها

على راسي ابن العم
والله انك فحل
تقبل مروري
وعاش العسلي السابق
والعسلي الحالي

موضوع: صاحبة الجرة الأحد يوليو 19, 2009 1:43 am

قصة عن فارس مسقلة
من المعروف أن النسوان عند جهجهة الضو كانوا يروحو يجيبو ماء ومرة في واحدة رايحة عالنبع وحطا على راسها جرة ومرأت من أمام بيت فلاحظت رجل نايم على السطح ومادد ذراعه لحتى طالعا من حدود تصوينة السطح وبمتابعتها النظر دعثرت بحجر وقعت وانكسرت الجرة ------بهذيك اللحظة كان فارس مسقلة عم يراقب من بعيد على ظهر حصانه و لما شاف اللي صار مر تحت هذاك الرجال وقطعله ايده------------وخلصت القصة

[ندعوك للتسجيل في المنتدى أو التعريف بنفسك لمعاينة هذه الصورة]

ننتضرجديدك بحرارة
تقبل مروري المتواضع اخي العزيز

اللي يبعرف قصة بيرالشور يحميلنا ياها

وهي عن مسقلة

وشكرا

ما قصرت ابن العم كفيت ووفيت وفوتني بالحيط وعن مسلسلاتك بالتلفزيون قريتها عالنت ومنها بدهم يعرضوه برمضان
تحياتي ابن العم

تسلم ايديك

ننتظر جديدك يا ابا الهتاهية
جزاك الله خيرا

مشكوووووووووووووووور

» من ذكريات بلدي
» الم يحن الوقت ( بقلم مصطفى الاغا )
» ذكريات ومعانات
» رجال من بلدي ( الجزء الرابع )
» صور من بلدي ( اشخاص )