الحمايه والكنه بمجتعنا

اسمعوا ..شو بيؤلوا .... بوصف الحماية للكنة .... آل

مجذبة.. يعني جمال غريب مع تناسق في ترتيب الواجهة يعني الفيس تبعها فيّو جاذب مو شرط توافر مقاييس الجمال ..
لأنو في كتير حلوات بس جمالهن جامد
مثال .. بنات أبو عصام .. بباب الحارة ..
وحدة فيها جمال ووحدة فيها جاذب
ههههههههه
غلاّية.. يعني أقرب لأنو تتاكل من كتر مالها عم تغلي حلاوة وجاذبية .. وبتنقال على الحِرْكة أكتر
من السَّهيانة ..
خفيفة بتنآل للمرا الحِرْكة
كربوجة : يعني حلوة وظريفة
عجعوجة : يعني سمينة شوي ومعجعجة
آمتها متل الحور ... وعيونها متل مرت التور ..
تصّورا آل هاد مدح للطول وجمال العيون ..
إي والله والله لإحرد ما حدا يقول هيك عني .. مثلاً ..
هههههههههههههههههما لك علي يمين إنّا بتطيّر ضبنات الأعل ..
أي دونحلفان ... من عزم الصدق آل يعني ..
هههههههه
وليعلى عيونا شو حلوة لك بتمزع الأعل
يعني ومن الحب ما أتل ... بتدعي عليها من كتر ما
حبّتا آل يعني ..
شالوحة : المرأةالفارعةالطول يعني محورأة ..
والله ما بعرف بس شكلها مسبّة .. ليس بتنآل للوصف ما بعرف ..؟؟؟
هههههههههه
مكحّلة.. طبعاً كحل رباني ... بس هلأ يا حرام الكل صار مكحَّل ربَّاني ..
هههههههه من شان هيك مابأا انآلت كما كانوا يعنوها ..
غنجة : وتصحب في أغلب الحالات البدينات
لأنهن بالعادة دمَّاتن خفاف ليش ما بعرف ؟؟؟
دلّوعة : كل الصبايا صاروا بهل العادة
بس في دلع مع أدب ..
وفي دلع مع مياعة ...
" دلُّوعة ماما "..... " دلّوع ماما "
وصارت تنآل للشباب أكتر بهل الأيام الله يجيرنا من الجاية ...؟؟؟
ملفوفة.. ممتلئة الجسد دون بدانة...
بالنسبة للحماية المربربة أحلى .. وبالنسبة لشباب هل الأيام السحنوكة أحلى ..
امبَودَرة.. بيضاء وخدودهاحمر... يعني مكياجا ربَّاني ...
وهههههههه كمان يا حرام فالكل هل الأيام بودرتن ربَّانية
متكلّمة.. يعني حديثها حلو.. وبتنآل عن المثقفة الفهمانة ويلي آخدة السَّرْتَفيكا .. ولو كانت ابتدائية مثلاً ..
مقدَّرة.. للكبارية أكتر من الصبايا
أكابرية.. بتسمعها بالحفلات أكتر الشي
أكابرية # مشرشحة

كتفها راتب..
كتفها أكابري..
التنتين نفس الشي ... يعني تيابها حفر وتنزيل عليها ...
ولا بئتِلها ..
منطقها حلو.. ملفظكلامها ...يعني ملافظها ملافظ سعد ... وبيؤولوا ريئها حلو ...
راكزة.. تقيلة ومو طرطوعة .. يعني حركاتها موزونة
مأرأزة : يعني مو ثابتة .. وأخصّيتن إذا لابسة كعب عشرين سانتي .. لأنو أصيرة ..
وعم تتمختر إدّأم النسوان ..
" حلوة بس مأرأزة "
اموجَّبة.. صاحبة واجب... يعني بتفهم بالأصول ..
وهي صفة كتييييييير مهمة
امْتَأّنة ..تتقن الأشياء، يعني بتساويها على مهلة وشوي شوي .. مو شَبئ
وهي كلمة أمي وستي على طول الله يزكرهن بالخير ..
وأخصّيتن بالجلي ومساوات البيت والتعزيل
مرتّبة ... نفس المعنى ..
لهلوبة.. نشيطة الحركة... يعني حِرْكة مو نايطة أو نعيانة ..
نغشة.. خفيفة دم ودلوعة،
ونغشة .. منأهم صفات البنت الشامية
سويعاتية.. متبدلةالمزاج... وكل شي إلاّ إنّا تنئرئ ..
مشكلة ... ؟؟؟
فهيمة.. كتيييييييييييييييييييير
هههههههه
مقوننة.. شديدة الترتيب حد الوسواس ... يعني أأرب للمرض ..
من كل شي ابتتوَنْون ..
موسوسة : مهووسة بشغلهمعيّنة .. وعلى الأغلب هَي صفة الحموات مو الكناني ..
فالحة.. شاطرة.... وهي أكتر كلمة بتنآل .. حتى ولو كانت بنيّة المسخرة ..
إي لأ فالحة ... شو بدكن بهل الحكي ..

هاد نموذج صغير ... وهلأ بشكل صغير كمانة ..
كيف بيغازل الشامي؟
تؤبشي عضامي..
بعدي رب هالعين...
ان شاء الله ما يبلى ولايتخ ..
إنتي إرع عيني.. يعني عرق عيني..
مو بس حلوة.. بتقول للقمر قوملأقعد مطرحك
إيه ما تبلا هل الملافظ
الآلب غالب .....
تشكلي آسي
تؤبشيني أبشوتدفشيني دفش : مزحة
تجيكي دفشة ترميكي عليي : دعوة مأعولة
لك بدي العالم يشتلئ أديش بحبك :ينتبهإلى أمر مخفي
إنشا الله مجاري الهنا..
طبعاً واردة كتييييييييييييير تكون شي مسبة في صدر الكلام وبعدين يرتيها بشي كلمة حلوة ..
فهيك بيضرب عصفورين بحجر واحد ههههههههه
يبعتلك حمة ... شو حلوة ..
ولي على آمتك شو مهضومة ..
تروحي أتل شو بحبك ..
ومن هل الحكي ...............
وماااااااااااااااااااأكتروووووووووو
وخود بأا ...
هل هوِّ سب .. أم غزل .. ما لح يبيِّن معك ...
بنووووووووووب ..
بتبقى الكلمات بالنّيات ...

من يوم يومها مارح يتغير شي
[ندعوك للتسجيل في المنتدى أو التعريف بنفسك لمعاينة هذه الصورة]

بس بتفرق انه بالرحيبة هيك حكي ناعم ما في
في عنا خوثه
مرتبه
هبله
كتعه
طويله
قصيره
مخصرة
هيك كلمات

[ندعوك للتسجيل في المنتدى أو التعريف بنفسك لمعاينة هذه الصورة]

كلامك صح

شكرا على الموضوع

ونتمنى المزيد