رومانسي بعطر فرنسي
رحيباني الماسي
عدد الرسائل : 1959
العمر : 38
الموقع : كوخ باعلى تلة بالمريخ
العمل/الترفيه : قيصر لمدينة العشاق
السٌّمعَة : 17
تاريخ التسجيل : 01/02/2009
 | موضوع: شاميات  السبت أغسطس 15, 2009 1:07 pm | |
| *** عالصالحية ***
عالصالحية يا صالحه .. لا تقولوا لي وينك يا صالحه
ما غمضت عيوني من مبارحه .. لشوفة حبيبي أنا رايحه
جبلي و جبلي يا دادا جبلي .. حلق الالماس إنشا الله يلبقلي
حاكاني شي لا و الله .. زعلني شي لا والله .. و أنا لعندو رايحه
عالصالحية يا صالحه .. لا تقولوا لي وينك يا صالحه
ما غمضت عيوني من مبارحه .. لشوفة حبيبي أنا رايحه
جبلي و جبلي يا دادا جبلي روب الحرير إنشا الله يلبقلي
نسّاني شي لا و الله .. لوّعني شي لا و الله .. و أنا لعندو رايحة
عالصالحية يا صالحة .. لا تقولوا لي وينك يا صالحة
ما غمضت عيوني من مبارحه .. لشوفة حبيبي أنا رايحه
~~~~~~~~~~~~~~~~~~~~~~~~~~~~~~~~~~~~
*** بفتا هندي ***
بفتا هندي .. بفتا هندي
شال حرير يا بنات .. اشتروا مني كل شي عندي
بضاعة حلوة يا بنات
حرير غالي و جنسو عالي .. و ما في منو يا بنات
هات ورجينا منو عطينا .. لنخيط منو بدلات
انتي حلوة و ثوبك ناري .. بيضة و خدودك وردات
مهما بتعمل لا تتأمل .. إنك تقدر عالبنات
و انتي سمرة قلبك أبيض .. و عالسمرة قالوا حكايات
مهما بتوصف مهما تحلف .. بنعرفها كلها بلفات
انتي حلوة و حسنك يضوي .. و أحلى من كل هالبنات
فتح عينك بيني و بينك أكثر من عشرة سنوات
سحرتوني و دلعتوني .. هاتوا عقلي يا بنات
مسكين عقلك ما بيلبقلك .. تتبيع بضاعة للبنات
بفتا هندي .. بفتا هندي
شال حرير يا بنات .. اشتروا مني كل شي عندي
بضاعة حلوة يا بنات
~~~~~~~~~~~~~~~~~~~~~~~~~~~~~~~~~~~~
*** ليموني عالليموني ***
ليموني عالليموني شامي و الله
و أنا حبابي ظلموني يا دخيل الله
يا لابس الألماس قلبك قاسي
ما بدي وجع راسي خافي من الله
يا لابسة الزهري لا تنقهري
ما بنساكي طول عمري صدقيني و الله
شفتا بدق بعودها دخل وجودها
الورد مفتح بخدودها خافوا الله
يا شاكل النرجس قطفك يحرز
و عيونك سور بتغمز يا سلام و الله
ليموني عالليموني شامي و الله
و أنا حبابي ظلموني يا دخيل الله
~~~~~~~~~~~~~~~~~~~~~~~~~~~~
*** دندرمة ***
دندرمة يا دندرمة .. أنا ببيع الدندرمة
دندرمة بوظة بحليب .. تعا لعندي يا حبيب
ربي لا تقطع نصيب .. خلليني أبيع الدندرمة
يا بنت يلي عالسطوح .. عطيني حقي و لاروح
أنا بهواك لح سوح .. خليني بيع الدندرمة
يا بنت يلي واقفة .. على ايش كنتي خايفة
بس قولي لي شو شايفة .. ما بدك تاكلي دندرمة
دندرمة بوظة بليمون .. تعا لعندي يا حنون
بالقلب كنت مهما تكون .. تعالي دوقي دندرمة
دندرمة يا دندرمة .. أنا ببيع الدندرمة
~~~~~~~~~~~~~~~~~~~~~~~~~~~~~~~~~~~~
لما بيلعبو الأولاد:
طيمشه نيمشه بعتتني ستي عيشه لاشتري بصل حلفت معلمتي لتعلئني بالشجر والشجر طول طول خبي ايدك يا عروس أم الحلقه والدبوس
~~~~~~~~~~~~~~~~~~~~~~~~~~~~~~~~~~~~
عندما تنزل ((المطرة)) و ((حب العزيز)) :
الله يبعت الخير
والاولاد بالحارة يغنّوا:
يا مطرة زخّي زخّي على قرعة بنت اختي .بنت أختي جابت صبي سمتو عبد النبي . حطتو بالكانونة طلع عرق ليمونة .حطتو بالطنجرة طلع صحن مجدّرة .
~~~~~~~~~~~~~~~~~~~~~~~~~~~~~~~~~~~~
في شهر أيلول:
ايلول دنبو مبلول
في شهري تشرين الأول والتاني :
_ما بين تشرين وتشرين صيف تاني
_الدهبيات بتشارين
_بعاق الجدي ولا سواد العنقود
في شهري كانون الأول والتاني:
_اذا غاب عنك العنب والتين عليك بميّة كوانين
_بقولوا عن كانون الاول : كانون الاجرد
وبقوللو عن كانون التاني: كانون الاصم عود ببيتك وانطم
في شهر شباط:
شباط ما على كلامو رباط بشبّط وبلبّط وريحة الصيف فيه
عن شهر أذار:
خبي حطباتك(فحماتك) الكبار لعمّك أذار.
شهر نيسان:
_مطرة نيسان بتحيي قلب الانسان
_قارب نيسان
شهر أيار:
_مادام النصراني صايم البرد قايم
شهر حزيران:
_قزة وسنبلة ومشمشة
_حزيران طبّاخ المشمش
شهر تمّوز:
بتمّوز بتغلي المي بالكوز
شهر آب:
_آب اللّهاب
_اذا أجا آب الصيف عاب
خلصوا وأخيراً ...............حفظتوّون ؟؟؟؟؟؟!!!!!!! ولّا نرجع نعيدوون ؟؟؟!! | |
|
ابن البلد
رحيباني الماسي
عدد الرسائل : 1157
الموقع : OMAN
السٌّمعَة : 47
تاريخ التسجيل : 03/02/2009
| | موضوع: رد: شاميات السبت أغسطس 15, 2009 3:54 pm | |
| | |
|
سفــ الحب ــير
رحيباني الماسي
عدد الرسائل : 1078
العمر : 114
الموقع : الامارات
العمل/الترفيه : مٌنظًمة مٌـٍتّ وْاَلـٍلَـًهّ يًـّرْحٌـٍمَـٍنَـٍيّ
السٌّمعَة : 42
تاريخ التسجيل : 20/01/2009
| | موضوع: رد: شاميات السبت سبتمبر 12, 2009 11:48 am | |
| شكرا على الموضوع
ونتمنى المزيد | |
|
