اخي عاشق
طرحت سؤالاً يحتمل الكثير من الاجابات للاسف
هنا دعني اتكلم باللهجة الرحيبانية لان هذا الموضوع يخصنا اكثر من غيرنا
اكثر شغلة بتمنى انها تختفي من عنا
هي قلة محبة الناس لبعضها
يعني وين ما رحت بتلاقي ثنين ئاعدين ما يهمهمو لبعض على فلان ئال و علتان شار
و فوء كل ها بس يشوفوا واحد ما يشتغل و بدا ينجح بشغلا
ببلشوا يحفرولا و بتبلش طئطئة البراغي و الحسد و ذيئة العين
في بعض الناس شغلتها و عملتها الحكي على الناس
حتى صرنا نشوف الاخوة بعد ما يكبروا بيعلئوا على الورثة
و على ارضي و ارضك
و داري و دارك
كانهن مخلدين
لك و الله عيب
الناس ما عادت حبت بعضها و لا ودت بعضها
و خاذ قطع ارحام و علئات من ورا شغلات تافهة
ايييييييييييييييييييييه يا بلد
و الله شي بخلي راسك يطئ
و احد الناس بيجي يسألك عن المنتدى
بيئلك حكي فاضي
بطعمي خبز شي
شيلك من البلد و مشاكل البلد
الرحابنة بزمانهن ما اجتمعوا لتجمعهن
يمكن معا حق ها اللي ما يقول هيك
بس نحنا مارح نخسر شي اذا حاولنا نصلح شوي
و نقدم شي لبلدنا
على قدر استطاعتنا
يا جماعة
بس لو نحب بعض
و الله حياتنا كلها بتتغير
بلا ما نوقف عند مشاكل صغيرة و بايخة
و نعمل من الحبة قبة
حتى هون بالمنتدى صار حساسيات و مشاكل
من ورا امور تافهة
كلا مفكر حالا صح
لك يا جماعة الخير خلينا نجرب الديمقراطية
كل واحد عندا رأي بقولا
بس دق المي و هي مي
يا ريت شوفك بيوم عمرانة يا بلد