رجعت الشتوية ..... و الرحيبة منسية
مساءات بدأ صمت الشتاء يقترب فيها
بالامس كان الصيف ..... و كانت أصوات الافراح و الأهازيج تملأ سماء المدينة
و اليوم ..... بدأ الصمت يتسلل الى شوارعها و ما عاد الأهل يتمشون تحت ستار الليل
أمشي اليوم .... لا شيء في الطرقات ....... سوى الاحساس بالبرد يجتاح المكان
عاد الشتاء ...... اليوم نحس فيه ..... و نغلق الأبواب
من شوي دق الباب
رحيباني أوح بزمانا ما سافر برات حدود الرحيبة
لكلعلي لساني و خلاني ابلش اكتب شروي غروي
اخ يا خال اليوم نزلنا على البرية ( على لسانه ) رحنالك صوب المسيلحة
الله يخرب بيتهن خربوها بهالشارع و الله تئول استراد رايح على زيمبابوي
ئول رحنا ناح متور الضمارنة نشرب مي لعمى يعميهن زعتونا و شوية لخار كانوا بدهن يئتلونا
مالين الضريب شو جابهن لهون أول حملت حالي و رحت صوب الصرة
يا محمد شو في صيادة و لك منين بدا يظل عصافير
عديت 30 صياد بعدين خربطت و رجعت اعد من اول و جديد
الحمد لله اللي ما في اساتزة رياضيات بالصرة كنت اكلت فلئة
أول نفدنا رديت و رجعت ناح الخرنوبة لك لك لك لك
ما في لا خرنوبة و لا غيرا
أكلوها تئول ما ياكلوا الرمل أكل لوين ما يروحوا فيه
ما عليك بطول السيرة الت مزالني بالخرنوبة شا اروح اشوف هاي الشجرة اللي بارض بيت الزلحف
مالة الضريب قال ناموا بالليل ما فيش شجرة قاموا الصبح لئوها ست متار
انا ما بيحمل أعلي هيك سوال ألت أكيد كذابين شو هاي
تركتها و جيتلك ناح بحثر اتبحثر هون استنشئت ريحة خراف لا ئلت حاجي مع انا نص الصير فاضي و ما ديرها على الفراريج
شو بدنا نسوي الناس اكلة هوا
دئيت المتور و رجعت صوب الكروم
الله يرحم ايام الكروم يا عمي ما ظل غير الطراب
شي بيأس و بخليك طش
و لك الرحيبة كلها بتخليك طش
و لك يا عمي بتعرف شئد طلع مسؤولين من هاي البلد
بزمانا ما واحد فادها
بالعكس بصير وين بشوف رحيباني يزعتا
و لك المعضمية مسؤول واحد مدري شو اسما توظف بالمحافظة
صرت كل ما تشوف معظماني تسأله شو بتشتغل يئلك في المحافظة
ولا الجواردة واحد منهن مرة استلم مدري شو بئولولا ها المنصب بالفتلزيون
و لك على مستوى الشوفيرية هناك صاروا جواردة
فهمني هذولا اللي ما يطلعوا من البلد شو ما يعملوا مو ما تجينا من وراهن غير المصايب
يا عمي الشجرة اللي ما بتفيي على شرشها بدها ئطع شلون لكان
و الله ملينا يا عمي ساء الله ايام زمان الناس كانت تحب بعضها
اليوم الأخ بيكره اخوه و لك ليش فهمني ليش
الله يرحمك يا جدي لونك اخذني معك محل ما رحت
( على فكرة جد الأخ مهاجر الى الأمريكيتين يمكن يكون هلأ بالبيت الابيض حسب ادعاء الاخ )
قعاد شراب شاي يا عم
ما رضي
يا ترى ها في منا كثير بيننا
انت مليت ولا بعد
لا يغير الله ما بقوم حتى يغيروا ما بأنفسهم