انت رحيباني
بصراحة صرت أشك انوا زوارنا من الرحيبة
لما تدخل على المنتدى و تشوف الاحصائيات لا تستغرب انو تشوف بعداد الزوار مئات الزوار من مختلف البلدان
و لما تشوف المشاركات و الردود شبه معدومة الا من عدد من الاعضاء
يا ترى لما عم يدخل شخص على الانترنت معئول ما بيعرف يكتب و يقرأ
شيء غريب كل الناس عم تتفرج و لساعات
يمكن الواحد منا رح ينقص نص وقية اذا سجل دخول و شارك بأحد المواضيع
أو انوا المنتدى مو للرحابنة و يمكن خايفين على حالنا ليشوفنا حدا على الانترنت
نسبة مبيع بطاقات الانترنت في الرحيبة هي الاعلى في المنطقة
يا ترى لوين عم يدخلوا الشباب ؟؟؟؟؟؟؟؟
بتشوف رحيباني في أحد المنتديات
مئات المشاركات و متفاعل مع الجميع
و لما نسأل عن سبب عدم التفاعل من قبل الزوار
يجاوبنا أحدهم
يا أخي بتكتب موضوع اما واحد برد عليك او ما حدا برد
يا ترى كلنا هيك
كل واحد عم يستنى الثاني ليبلش
و الثاني يقول
يا اخي نزلولنا اخبار الرحيبة
و الله لان الرحيبة صغيرة حتى اعرف كل اخبارها لحالي
كل واحد من موقعه يساهم بالشي اللي بيعرفه
لأ اما كلنا منصير مديرين و مشرفين او ما بدنا هالشغلة كلها
انا بالمنتدى الفلاني عاطيني اشراف و عضوية مميزة
يا ترى ليش عطوك
اكيد مانك عم تتفرج بس هنيك
و بيجي غيرا و غيرا و غيرا و كل واحد بيعطيك سبب
لو انك رحيباني جد
اثبت وجودك في المنتدى لن تضرك خمس دقائق هي من ساعات تقضيها في الانترنت في منتدى بلدك