من ذكريات بلدي

من ذكريات الرحيبة

من تنكر لماضيه فلا مستقبل له

السلام عليكم ورحمة الله وبركاته

في عام1856كانت البلد صغير وكل الناس بتعرف بعضها مزبوط !

كان في راعي عم يرعى باخر البلد تقريبا بعد الشرقي ما بين بحثر والخرنوبة وفجأة بتطب الغارة على هالراعي المسكين وبيسرقوا كل الرزق[الطرش] يللي معه بيوصل الخبر لاأهل البلد بسرعة كبيرة طبعا مع العلم انه كل حلال الرحيبة كان مع هالراعي

فاروا الرحابنة وقرروا يرجعوا الحلال[الطرش] لصحابه بهذك الوقت كان المختار نواف غنام الكبير جد الشيخ حاتم وكان متل ما بقولوا الآمر الناهي بالبلد طبعا كان في زلم على كيفكم منهم نمور الكبير ودوغان والحجي ابو بياض والخطيب الكبير وشيخ البلد زنوب الكبيروغيرهم كثيرين الله يرحمهن برحمته

اجتمعوا كبارية البلد عند المختار وخططو للعملية طبعا يللي سرقوا الحلال هن من البدو كانوا مقيمين في جبل العرب تقريبا السويدا وتصور المسافة يلي رح يقطعوها هالزلم منشان يرجعوا الحلال كبيرة مو!

المهم ما علينا كان المسير المسا من الرحيبة باتجاه ضمير ومن ثم العتيبة وبعدين على جبل العرب حتى يوصلوا للبدو

وبلفعل طلعت كل زلم الرحيبةوكان تعدادهم حوالي الف زلمة وكان معهم ست مائة بارودة مكنزمة بهداك الوقت كانت بلدنا اكبر منطقة بالريف عندها سلاح وما ظل بالبلد غير النسوان يللي اخوات الرجال يللي لم يبقى منهن باقية لابالرحيبة ولا بغيرها وكان في بالرحيبة حوالي مية خيل مأصل اب عن جد مشيو الزلم وتوكلوا على الله وصاحب الحق سلطان

المهم وصلوا الزلم على العتيبة بعد الفجر يعني اول طلوع الشمس المهم حلف يمين مختار العتيبة يمين ما بيمشوا قبل ما يفطروا وبعدين بيمشوا فقال المختار للشباب بنفطر وبعدين بنكفي طريقنا بهد الوقت مختار العتيبة عرف انه الرحابنة رايحين على البدو

وعلى قد مهو قواد بيبعث ثنين زلم من زلمه لعند البدو منشان يخبروهن انه اهل الرحيبة جاين عليكوا وبلفعل الافسادية وصلت للبدو بكل اريحية

هون شبابنا فطروا وريحوا شوي وبعدين مشيوا بهذا الوقت كانو البدو مو ملحقين يضبضو ا حالهن

وصلوا جماعتنا وما شافوا ولا بدوي غير الخيم تبعهن والطرش تبعنا

والبدو على قد مو اغبياء مو عارفين الرحابنة انو ما في شي بروح هيك ويللي بيضربنا بوردة بنضربوا بالنار اخذوا الطرش على جنب وراحوا حارقين كل الخيم تبع البدو

ومن يومها لهلق ما شافت الرحيبة ولابدوي

بتعرفوا ليش لان نحن الرحابنة اذا اجتمعنا صرنا ايد واحدة

واذا افترقنا الغانم فينا بدو ياكل اخوه

انشا الله تكون القصة عجبتكم

طبعا في قصص كثير من تراثنابدي احكيها بس ما بعرف رح تتقبلوها او لاء

مع تحيات مغترب مثقف بس الغربة كربة ياشباب

[ندعوك للتسجيل في المنتدى أو التعريف بنفسك لمعاينة هذه الصورة]
والله مشكور اخي ابو العتاهية على الاقل اعرفنا كبارية البلد بهذاك الوقت والله قصة حلو
وتقبل مروري
اخوك ابن البلد

تسلم على هالقصة
وعلى فكرة سمعنا من الكبار بيسولفو انهن قطعوا راس واحد منهن وعلقوه بعلية بيت فارس

بس مابعرف بهاي المعركة او وقت اللي انقتل حياة صالح ابوه لابو خميس وقت اللي جو البدو وشلحوه الطرش وقتلو بالصرة ,,,,,,,قاموا راحو حياة سعود سنجار وحياة مصطفى كريش الله يرحمهن وراحو وقتلو مدري كم واحد ,,,,,,,,,اذا عندك شي عن هالمعلومات تحفنا فيها

الف شكر الكم يا شباب والله انكم فخر للمنتدى

والله يا ابن العم اتحفتنا بقصصك القديمه الحديثه وانت من اصحاب المواضيع القليله بالمنتدى ولكن وقعها كبير وكل موضوع بميه

تسلم أخي على هالمعلومات الحلوة بس مشان انه البدو انقطعو عن بلدنا هاي سمحلي فيها لأنه البدو ظلو كل فترة يغيرو على كل الضيع

وبالنسبة للأخ يلي كان يسأل عن راس البدوي يلي علقو بعلالي بيت فارس كانت بعد هالقصة بكثير ويلي قتله كان الله يرحمة سعود سنجار وبعدها انقتل المرحوم صالح خميس

حلوووووووو شو بتعرفو عن الموضوع حكوه كلنا ما كنا وقتها وحسب ما بنسمع من الكبار المهم ناخذ الفائده ونعرف كل شي بمسيرة بلدنا

ماقصر أبو العتاهية
مشكور

[ندعوك للتسجيل في المنتدى أو التعريف بنفسك لمعاينة هذه الصورة]

و الله قصصك مميزة اخي الكريم
بانتظار جديدك

مشكووووووووووووووووووووووووووووووور

» الاغا من ذكريات بلدي
» ذكريات ومعانات
» صور من بلدي ( اشخاص )
» فلكلور من بلدي
» رجال من بلدي ( الجزء الثاني )