يوميات مدير عام ومشرف عام

يوميات مشرف عــــــام
و مدير عــــام

بس وين
بالمنتدى

أول ما صحي من النوم لقى المشرف العام تلفونو عم يرن
المشرف العام :الو ميـن
المدير العام :انا المدير العام يا أخي وينك انت
المشرف العام : يا فتاح يا عليم بوش مين تصبحت انا اليوم
المدير العام : صباح الخير .. اذن الظهر
المشرف العام : خير من وين بدو يجي الخير .. خير شو بدك
المدير العام : انت تارك قسمك و الاقسام التانية و نايم .. كانت باطلة و محولة يوم اللي سلمناك مشرف و زيادة عليك عضو بنجمة نص لمبة
المشرف العام : ليش هلء هالحكي من عبكرة الصبح اي انا بجي عالمنتدى اول واحد حتى وشي ما بغسلو
المدير العام : عموما فوت شوف قسمك و هادا اخر انذار الك

انتهت المكالمة
و دخل المشرف العام عالمنتدى
و بربر بقلبو

فات عالرسائل الخاصة و شاف هدول :

الرسالة الأولى

السلام عليكم ..شلونك مشرفنا .. صحي شو بدي قلك انا ضفت موضوع بس ما بعرف شكله نزل ثلاث مرات بالغلط احذف اي واحد فيهم .. اللي يعجبك انت بس احذف

الرسالة الثانية

مرحبا مشرفنا .. ليك شو بدي قلك في عضو قاعدلي على كل موضوع عم يرد عليي ويهيني قدام عضوات و اعضاء المنتدى .. يا باطل .. لو ما قلتلو يسكت لاقلبلكم المنتدى .. وقد اعذر من انذر

الرسالة الثالثة

ياابو الشباب الحقني .. كل ما ادخل المنتدى يطلعني بره .. مو راضي يدخلني شو القصة شكلو الدخول بمصاري .. طيب قولو مو تتركونا على عمانا

الرسالة الرابعة

مشرفنا .. ممكن لو سمحت تعدل اسمي من الحلوة الى ملكة جمال المنتديات .. ميرسي

الرسالة الخامسة

هاي .. يارب تكون مبسوط .. بصراحة شخصيتك بتجنن والك هيبة بالمنتدى بس ياريت يعني اذا عملت موضوع تثبتولي ياه ..على فكرة انا زعلانة ما حدا عم يثبتلي مواضيعي

الرسالة السادسة

ما بدك بطول السيرة و من دون مقدمات و مرحبا لاني مئروء منك ما رح سلم عليك لانو كل ما اعمل موضوع تحذفولي ياه .. عجيبة والله

الرسالة السابعة

يسعدلي هالمسا يا سوبر ستار المنتدى ..
بصراحة انا خجلانة منك .. بدي أطلب طلب بسيط .. يعني انا بس حابة اعرف شلون المشرف بيتعامل مع المواضيع و شو الطريقة .. يعني بالعربي الفصيح لو ما فيها سئلة بدي الباسوورد اللي الك اذا تكرمت

الرسالة الثامنة

يا اخي انت زودتها ... شايف نفسك علينا وكل ما نحكي معك ما بتعطينا وش .. يا اخي الاشراف مو يعني صرت ملك ... حاجة بقى .. قال مشرف قال ... انت اصلا خدام عنا يعني تخدمنا .. تساعدنا .. تشوف اذا ناقصنا شي .. صحي بطريقك جبلي واحد شاي

الرسالة التاسعة

بونجور مشرفنا .. بليز ممكن تقلها لهيي ما بدي اذكر اسمها .. بس قلها لا ترد على مواضيعي لانو بتكهرب لما شوف اسمها .. ما بعرف على شو شايفة حالها ..كانو ما حدا غيرها مسك قلم .. بليز مشرفنا انا برد على كل مواضيعك .. لا تنساني

الرسالة العاشرة
من المشرف العام
للمدير العام

استرو ما شفتو مننا
اودعناكم

( مزحة بقلمي انا.. )

السلام عليكم
مشكور اخي العزيز على هذه الاستفقادة
ولكن لاسباب قاهرة اخي العزيز منعت لفترة من الدخول الى المنتدى
طبعا اسباب خاصة
اشكرك واشكركم جميعا على استفقادي ولنشاءالله ساعود اليكم بشكل اقوى طبعا بتواجدكم وجهودكم معي
اعتذرمن جميع الاعضاء والمديرون على غيابي وانشاءالله ساعوض بالاحسن
اخوكم عاشق الرحيبة

بالقلب ابو عزام

[ندعوك للتسجيل في المنتدى أو التعريف بنفسك لمعاينة هذه الصورة]

الكل بالقلب