ليلى الرحيبانية

موضوع: ليلى الرحيبانية الأحد يونيو 14, 2009 1:34 pm

ملاحظة

لكي تتمكن من قرائه الموضوع يجب فتل لسانك120 درجه للهجة الرحيبة البحتة

صارت الساعه عشره وليلى بعدها بالفرشه ما قامت وامها بارض الدار ما تعيط عليها قومي يا مالة العمى شو منيمك لهلأ قومي يالله ورانا شغل وظب قامت ليلى كارهي حالها وهي ما تقول الله ياخذني ويريحني من هالعيشه قامت غسلت وتشها وطلعت لا ارض الدار والام ما تكنس ارض الدار بالمقشه وما تقلها صارت الدنيا الظهر وانتي نايمة لا امتى بدك تظلي جدبه ومتعبتنا انقلعي لجوا ظبي الطراريح والحصيره وكنسي.

وبعد ما خلصوا شغل الدار فاتو عالمطبخ يسوو فطور حواظر وكشكيّ قالتلها امها وهي ما تفت الخبزات جهزي حالك من شان تودي شويه كشكيّ لا ستك تراها بتحب هالاكلة قالتلها ليلى ما ني رايحة ولا جاي هلأ بتفتحلي سوالف وما بخلص بساعتين والمصيبه بدي ااذن حتى تسمعني قالتلها امها سدي بوزك وروحي دقي الثومات بالمدقاقة وبعد ما خلصت الام تزبيط الكشكيات وحطتهن بصيني وهوّست بصل فوقهن ورشت نعنع اخضر راحت تجيب طنجرة تشيل للست حصتها وليلى ما سكه الملعقه ومبلشي قحط من هالكشكي وبايدها الثاني فحل بصل مبلش قرط فيه بعد كل معلقه كشكي وبعد ما خلصت ليلى اكلها صارت تتبعج وريحه المطبخ صارت بتقتل من البصل بهالوقت الام كانت مخلصه تزبيط طنجرة الست لبست ليلى شحاطتها النايلو ومسكت الطنجره وهي وطالعه قالت لا امها بدك شي قالتلها هأني بس ديري بالك على حالك ولا تسولفي مع حدا عالطريق وروحي من طريق الكرومات المختصر صفنت ليلى شوي وقالت وبلكي طلعلي الذيب اللي ما يحكو عليه اهل البلد بالكرومات قالتلها امها ذيب وخرا كله حكي فاظي يالله انقلعي ولا طوّلي طلعت ليلى من باب الدار وخبطته وراها بعزم عيطت عليها امها يا مالة الظريبة بفرجيكي بس ترجعي .

تدرجت ليلى ناحيت الكرومات وهي ما تغني عالهوارة وبعد ما دخلت الكرومات وريحه البصل المهوّس تبع الكشكيات بيخوذ ومعبي الكرومات طلع قدامها الذيب قالتله منو انت قلها كنت جاي اعزق بكرمي وشفتك قلت اسالك لو بدك شي او صاير معك شي قالتله هأني ما في شي بس رايحه على دار ستي واخذتلها معي شوي كشكيّ . شط ريقه للذيب وسالها وان شالله دار ستك مو بعيده قالتله لاوا اخر هالطريق بعد غرز بيت الارخنتينة وظلت ماشي وقام الذيب بلش الدبيك من طريق ثاني من شان يوصل قبلها ووقت وصل الذيب لقى دار صغيره طلّع من الشباك شاف مرا كبيرة لابسه سركس وما تنسج بايدها وباصبعها كشتوان فتح باب الدار وفات ويوم شافته الست عرفته وبلشت الدبيك بارض الغرفه قام مسكها وحط بحنكها شرطوطة كرارة وكتّفلها ايديها وزتّها بالداكونه واخذ من الداكونه سركس من سراكس الست ولبسه وراح نام محلها عالطراحة وتغطى باللحاف بهالوقت وصلت ليلى وبلّشت خبط على باب الدار وهي ما تقول ستي قام عيط عليها الذيب من جوا بصوت الست وقلها دفشي الباب وفوتي مفتوح الباب فاتت وهي ما تسولف امي بعثتني لعندك وباعتلك شوية كشكيات بس غير شكل بيستاهلو ثمك وقامت وقعدت عالمدرج جنب طراحة ستها و طلّعت بستها وسالتها ليش هيك صايره يا ستي ليش عيونك صايرات كبار ومبحلقات قلها الذيب بصوت الست من تحت اللحاف من شان اطسّك فيهن قام قالت ليلى وصوتك ليش تخنان كثير يا ستي قلها الذيب بصوت الست من كثر مو ما ادخن شرق يا ستي قالتلها ليلى وثمك وسنانك ليش هيك كبار يا ستى قاوم الذيب وطلع من تحت اللحاف وقلها من شان اتحورق فيهن انتي والكشكيات يفظح حريشك من الصبح وانتي ما تسألي شو بالعه راديو وبلش الدبيك وراها وليلى ما تعيط وقدامة مو عارفه شو تسوي ووين بدها تروح برات البيت كان ابو الزغم مارق ما يصيد ومعه جفت 12 بعينتين قام سمع عياط ليلى وجاه ناحيت البيت وطلّع من الشباك شاف هالمنظر قام قال انا بفرجيك يا عكروت قام دك هالجفت بفشكتين وعيّن ناح الذيب وشلط لونهن بين عيونه وطلع الست من الداكونه وركب ليلى عالمتور ورجعها لعند امها وباع جلد الذيب ب 4000 ليرة وخلصنا .

امانة برقبتكم الردود lol!

يسلوا ايديك أخي والله قصة ليلى بالرحيباني طالعة غير شكل .وشكرا لانك ذكرتنا ببعض الكلمات يلي صرلنا زمان ما سمعناهن.والله ذكرتني بستي الله يرحمها ويرحمنا جميع .تقبل مروري أخي الكريم.[ندعوك للتسجيل في المنتدى أو التعريف بنفسك لمعاينة هذه الصورة]

يحرء حريشك ذكرتنا بالكشكية
مشكور
[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههه

تسلم ايديك يا غالي قصة شغلة للانسة ليلى

يسلمو ياغالي عالموضوع الجميل
وعنجد طالعة حلوة هالقصة
بس ياريت مسميها (((كريمي والذيب)))كانت زبطت تمام عالرحيبانية
تقبل مروري

مشكور يا غالي غلى القصة الحلوة بس كاني سامعها و انا صغير

و على قولت العاشق لو ان اسمها غير ليلى بكون تمام

و لو سمحت زودنا من هذه القصص الرائعة

و تقبل مروري العابر

يــــــــســــــــلــــمــــووووووووووو

ومتل ما قال العاشق هاي مو قصة ليلى والذيب هاي قصة كريمه والذيب

والله يطول بعمرك يا ستي

وأحلى سلام للشباب بعد طول غياب

يلي بميز قصتك انها باللهجه الرحيبانيه
بغير لهجه ما بتمشي

Thanx alot

يا رجل شلون زبطت معك
طالعة بتجنن و كيثير حلوي
و شهيتنا الكشكي و الدنيا صيام
على كل حال يسلموا
و ما نستنى ئقق جديدي
من تبع المي

شكرا على جميع ردودكم

وما قصرتوا

الحقيقة ياشباب اني عم بضحك متل المجنون لوحدي وأنا عم بقرأبالقصة
عندي ملاحظة
قلت روحي من طريق الكرومات
المفروض من طريق الكروم
على العموم القصة بتجنن وأشكر مؤلفها
وياريت يكتبلنا قصة هدلة أقصد سندريلا

[
quote="منعم الجاروف"]الحقيقة ياشباب اني عم بضحك متل المجنون لوحدي وأنا عم بقرأبالقصة
عندي ملاحظة
قلت روحي من طريق الكرومات
المفروض من طريق الكروم
على العموم القصة بتجنن وأشكر مؤلفها
وياريت يكتبلنا قصة هدلة أقصد سندريلا[/quote]

ههههههههههههههههههه

شكرا عالقصة والتعليق

بسم الله الرحمن الرحيم
شي حلو وشكرأ

مشكور اخي رحيباني عالرد
ونتمنى نشوفك كثير