مرة كان في واحد بدو يستأجر بيت...دور كتير وما لقى طلبو...آخر شي لقى بيت كبير وحلو .ورخيص..بس هادا البيت في عليه مشكلة انو مسكون بالأشباح..يعني ما حدا سكن بهالبيت الا طلع منو تاني يوم..
بس هادا صاحبنا كان كتير شجاع وقرر يستأجر البيت لأنو مو مآمن بالاشباح .
المهم سكن بالبيت فالأشباح اللي بالبيت قعدوا يتفقوا كيف بدون يطفشوه ..قلون الزعيم تبعون خلوه عليي انا بتكفل فيه...وراح وقف وراه وهو عم يتفرج عالتلفزيون ولكشو من ورا وقللو معلم ممكن سيجارة .اتطلع فيه هداك وقللو اي من عيوني..اتفضل.
رجع الشبح لعند رفقاتو وصايبتو خيبة امل كبيرة...وبلشت هيبتو تروح على اعتبار انو الزعيم..قللون خلص ولا يهمكون هلأ بفكر بطريقة خوفو فيا...فكر فكر وآخر شي قطع ايدو ورجلو وراح وقف ورا الزلمي وقللو .معلم ممكن سيجارة..اتطلع فيه هداك وقللو تكرم عيونك اتفضل.....رجع هداك لعند رفقاتو وراح شوه وجهو وقطع ايدو التانية وضرب حالو كم ضربة سكين وراح وقف ورا الزلمي وقللو ..معلم ممكن سيجارة...قللو هداك اي من عيوني .اتفضل..
هون زعيم البأشباح ما بقي براسو عقل..وجماعتو قالولو انو صرت محاول 3 مرات و ما طلع معك شي..مشان هيك نحنا رح نفصل من الزعامة و نعين واحد تاني بدالك...فقللون الزعيم ..كرمال الله تخلوني حاول اخر محاولة ..وازا ما زبطت معي افصلوني..المهم زعيم الأشباح كسر رقبتو وطالع شقفة من عمودو الفقري وما خلا بجسمو شي سليم فصار منظرو بخوف كتير ..وراح لعند الزلمي ووقف وراه وقللو ..معلم ممكن سيجارة؟..
اتطلع فيه هداك وقللو:.....مانك ملاحظ انو التدخين عم يضر بصحتك..
