طريق السفر من الامارات الى سوريا

مشكور اخي الغالي على هالتفاصيل الرائعة عشان اللي بدو يسافرعن طري البر يكون بيعرفو تمام
تحياتي لك اخي العزيز

تسلم يا غالي, ويا ريت اتكمل معروفك بشرح بقيت الطريق
خاصة هلا بدا موسم السفر , هيجتلي اشجاني

ما بحب الزايحة

شكرا جزيلا لكم على الردود الطيبة ,

وبإذن الله للحديث صلة

جزاك الله خيراً ولكن نريد أن نعرف الشقق التي ينصح فيها بالنوم على الطريق


لأن السعودية بصراحة بتخوف وأيضا نريد نصائح من المسافرين القدامى

تفيد المسافر بسيارته فلا تبخلوا علينا بالنصائح

السلام عليكم


اخي رحيبة يا حبيبتي , أعتذر عن تأخري بالرد على سؤالك وهاك الرد ..

بالنسبة لأسامي الشقق ما بغدر افيدك بهل موضوع لأنا على طريق السفر مافي مكان مميز بعينة حتى تقصدا , اغلب المطارح مثل ما بقولوا مشي حالك !!!

الا اذا بدك اتفوت على وسط المدن , انا لح اخبرك تجربي الخاصة وكيف بتمشي حالك


السيناريو الاول : اذا مسافر لحالك

السنة الماضية انطلقت الساعة 12 ظهرا وسحبة واحدة لحفر الباطن , نص المسافة تقريبا وصلت عالساعة 12ونص بالليل تقريبا
اتعشيت وكملت لرفحة , وصلت على وجه الفجر , طبعا صار لازمها شويت نوم

هون السؤال وين بدي نام؟؟ اكيد مو بشقة !!! صفيت سيارتي جمب كازية وسكرت السيارة وربطت المنبه لساعة واحدة بس

مثل ما بنقول كسرت ناعوستي وقمت صليت الصبح واشربت كاست شاي وقلت ياكريم وينك يارحيبة , وسحبتا للرحيبة يا طويل العمر


خلاصة الحديث ,, قبل يوم السفر ريح وشباع نوم وما ابتحتاج لا شقة ولا غيرها


السيناريو الثاني : اذا معك اهلك

بهل حالة محتاج انك اتزود الاستراحات شوي , مثلا

ممكن تمشي للهفوف , ابتعملك استراحة ساعتين , بين صلاه وعشا او غدا وتسطيحة خفيفة وين منكان , منشان هيك لازم ايكون معاك مدة بالسيارة

بترد يتكمل لحفر الباطن , هنيك كمان ريح , طبعا حسب الوقت , يعني اذا واصل الظهر شفلك مطعم عائلي (مهم جدا يكون مطعم تركي ) بكون جواته في غرف بتغدا الواحد وبريح جوا الغرفة , شغلت ساعتين زمان

وبعد هيك لحدود الاردن , الحدود لحالها استراحة للمرافقين بس سائق السيارة الله يعينو لازم يخلص اجراءات السيارة والجوازات

طبعا بس اتوصل هون ما لح اتصير اتفكر بالرياحة بصير همك الوصلة عالبلد لأن ببلش يقلب الجو



بعض النصائح

1- لا تسرع , العبرة بالاستمرارية , يعني اذا مشيت 130 بتوصل ثاني يوم ان شاء الله , بس المهم يكون عندك تحمل وما اتظل اتوقف استراحات

2- في الاستراحات حاول ان تختار مكان امبين فيه ناس مسافرين , بتتونس واامن

3- أنت ادرى بحالك وسيارتك , فقدر متى تحتاج للراحة ولا تضغط على نفسك ابدا , ان تصل متأخر خير من ان لا تصل بالمرة لا سمح الله

4- في الليل ,, معليش خفف السرعة أأمن , لأن في اضواء السيارات المقابلة وبتخاف من الجمال


وللحديث صلة

ياشباب بدي أوصيكو على كم شرشف يلي بجي مرسوم عليهن ورد و درزن عصير ماجد

الدفع عند الاستلام

السلام عليكم

بالنسبة لطريق الاردن فيمكن اختصارة على التالي (يسار , يسار , يمين)

بالنسبة لي الطريق يمكن تقسيمه الى 3 مناطق و مراحل , وقبل ذلك شاهد الشكل العام لخط السير في الاردن من خلال الصورة التالية



[ندعوك للتسجيل في المنتدى أو التعريف بنفسك لمعاينة هذه الصورة]

المرحلة الاولى من حدود السعودية الاردن الى مدينة الازرق , بعض الاحياء تسمى أزرق الشيشان حسب بعض الخرائط
وهي اول تجمع سكني سيواجهك , في هذه المنطة ستواجه اشارة مكتوب عندها بغداد الى الامام , طبعا انت لازم اتروح يسار كما في الصورة التالية

[ندعوك للتسجيل في المنتدى أو التعريف بنفسك لمعاينة هذه الصورة]

بعدها تابع الرحلة الثانية حتى تصل قريب من الزرقا , ثاني تجمع سكني او مدينة , عندها ستواجة اشارة ثانية على شكل T , خذها يسار كما في الصورة التالية

[ندعوك للتسجيل في المنتدى أو التعريف بنفسك لمعاينة هذه الصورة]

بعد ما تقطع هذه الاشارة تكون بدأت تقريبا بالمرحلة الثالثة و الاخيرة , بعد هذه الاشارة بـ 20 كم حسب ما بذكر ستواجة عقدة طرق , لا اتقطع هذه العقدة , بل اسلك المخرج اللي قبلها و اللي حيطلعك على طريق أوتستراد , وسييدا سيدا عالحدود الاردنية السورية , الصورة التالية توضح الفكرة

[ندعوك للتسجيل في المنتدى أو التعريف بنفسك لمعاينة هذه الصورة]

طبعا في الاردن لا تسرع , يفضل ما تطلع فوق 100 لأن الطرق ما بتساعد , بالاضافة انهم بيخالفو عالسرعة , الصيف الماضي وقفوني وخالفوني 20 دينار
لازم تدفعهم كاش و بالاردني كمان , يعني اذا ما معك زيادة اردني بياخذو منك ملكية السيارة وبقولولك روح صرف وتعال , أيوا يابا فش يما إرحميني !!!!ا