مغتربة شامية

موضوع: مغتربة شامية السبت أغسطس 15, 2009 1:36 pm

أنا مغتربة بالخليج,
يوه! ما عرفتوه؟!
يللي الرزاق الكريم مو موجود إلا فيه,
ومنشان هيك بنلائي الناس راكدين للخليج لحتى يلموا مصاري على أبو جنب!
أستغفر الله العظيم.
الرزاق الكريم موجود بكل مكان.

يللي بيجوا عالخليج واحد من إتنين:
الأول طمعان يجمع مبلغ محرز ويرجع فيه على بلدو!
والتاني بدو يتخلص من خدمة العلم,
وبيفضل يتحمل تسلط الكفيل خمس سنين
على تحمل رؤساؤو بالجيش سنتين أو تلاتة ما بعرف أديش!
وبعد خمس سنوات من الإبتعاد عن الوطن والأهل والصحاب
بيدفع بدل ربع مليون ليرة!
وهي لا تعتبر خسارة بالقياس لحرئة ألب إمو وألب أبوه!

أنا مغتربة بالمعية, يعني غصب عني!
بابا وماما حبوا يغتربوا منشان زيادة دخلهن,
مع إنو دخلهن بالشام كان أكتر من منيح,
وبيتنا ملكنا,
وكل واحد منا نحنا التلاتة عندو سيارة,
وأنا كان إلي عمل تجاري ماشي حالو,
بس الله يلعن الطمع!
المهم رغم إني أد الشنتيرة رفضوا ضل وحدي بالشام,
وأصروا إصحبهن لبلد الإغتراب,
وهيك أنا محبوسة بين أربع حيطان البيت,
وما إلي شغلة غير القراءة والتلفزيون والإنترنت والأركيلة والأكل والنوم!

أنا متل السمكة يللي آموها من المي الحلوة والباردة,
وحطوها عالرمل الملتهب تحت الشمس!
ولا حول ولا قوة إلا بالله!

مشكور على نقل الصوره
فعلا هذا يلي صاير

بس هاية الاركيلة للنسوان ما حبيتها
في شغلات كثيرة تغني عنها من الامور المفيدة وغير الضارة بالصحة
يعني انا مغترب وبظل انح طول اليوم وبعد ما اجي للبيت بصلي العشا وبقعد احفظ قران والمرة بتسمع لي

» حكاية شامية
» زلاغيط شامية
» معتقدات شامية
» فصول شامية
» مصطلحات شامية بدها دراسة